2011年10月18日(星期二)

有消息啦！
綠茵收了我女女上午班，感謝主！星期六去交留位費。希望女女能夠適應這間學校啦！

2011年10月15日(星期六)

今天我們要INTERVIEW德寶，今次INTERVIEW只需要見外籍老師，因為我們報國際班。外籍老師問她叫什麼名，由於是用英文問所以女女唔識答，因為我們好少用英文同佢講話。見完後外籍老師話女女好CUTE，女女又有同老師講BYEBYE，唔知OK唔OK呢？不過我聽D家長話學校常常轉老師和COMMENT不是太好，所以我都要想想比女女讀哪一間會好些。

2011年10月12日(星期三)

女女二十個月大啦
二十個月大的女女幫我揼骨按摩真是SO SWEET！
現在她不用奶樽喝奶奶，她懂用叉吃東西。睡醒了又懂去洗手間，雖然不是每次便便都能說比我們聽，但有時她能夠做到，真的好開心看見女女有這樣的成長，希望她開開心心、健健康康地成長。

2011年10月8日(星期六)

今天要同女女INTERVIEW三間幼稚園，第一間INTERVIEW(綠茵)的第一PART不是太理想，因為是外國人女女有點怕羞，但第二PART INTERVIEW得好好有回應，又講到"謝謝"，老師叫女女比玩具MOMMY又肯比，之後叫女女比DADDY佢又肯比。所以第二PART總計OK啦。
之後去另一間INTERVIEW(啟思)，女女表現幾好，肯自己行。老師叫我們找一張枱坐下先，之後會有人來INTERVIEW。女女見到老師有少少怕羞，但都有微笑同講謝謝。不過女女離開時拿著碗不肯放，老師叫女女拉回櫈子，她只用單手拉回櫈子敷衍就算，後來我同女女講我們玩多十聲就要放下碗子。她聽我數完十聲自己把碗放完處又同老師講BYEBYE，我諗這一間應該會收她讀N班上午的。
最後INTERVIEW(翠茵)第一PART INTERVIEW外籍老師，女女可能好少接觸外國人，所以有點怕羞，不過都有反應，第二PART 是本地老師，老師比指令女女，她都有跟住去做。但老師問APPLE在哪裡(在你面前)，她沒有反應，不過估唔到女女指枱上貼了一個APPLE的圖畫，我們都好suddenly真是估不到她。這間INTERVIEW是即時知道OK唔OK，但只是OFFER了下午，我想女女讀上午，經過同老公商量都是比500元留住個學位先。
這天真的辛苦了女女，希望綠茵收女女讀上午班啦！

2011年9月28日(星期三)

神奇bear bear
囡囡唔知點解e兩天唔肯訓，昨天由9時多攪到零晨1點先訓。今天又是這樣由9時多攪到10點幾都未訓。記得婆婆話小朋友有東西揸手會有安全感，所以比咗個bear bear囡囡唔駛五分鍾就訓咗,早知一早比佢啦.........zzzzzzz